Toshkentda avtomashina gaz quvurini urib yuborishi oqibatida ta’minot to‘xtatildi

 

Toshkent shahrining Sergeli tumanidagi “Xonabodtepa” mahallasida gaz sizib chiqish holati sababli gaz ta’minoti vaqtinchalik to‘xtatildi. Bu haqda “Hududgaz Poytaxt” matbuot xizmati xabar qildi.

 

Qayd etilishicha, Sergeli tumani, “Xonabodtepa” mahallasidagi gaz quvurini mashina urib yuborishi natijasida avariya yuzaga kelgan. Natijada 300 ta hovli xonadonlarda hamda 3 ta ulgurji tashkilotlarda 2022-yil 9-oktyabr kuni soat 21:40 da gaz ta’minoti vaqtinchalik to‘xtatilgan. 

 

Hozirda avariyani bartaraf qilish ishlari olib borilmoqda. Ta’mirlash ishlari tugatilgandan so‘ng tabiiy gaz ta’minoti qayta tiklanadi.