Turkiya Rossiya va Gʻarb davlatlarini bir stolga yig‘moqchi
Rossiya bu taklifga rozi bo‘ladimi?
Turkiya Ukraina masalasida Rossiya, AQSH, Fransiya, Germaniya va Buyuk Britaniya o‘rtasida muzokaralar tashkil etishni rejalashtirmoqda. Bu haqda “Ria Novosti” xabar berdi.
Qayd etilishicha, bu taklif diplomatik kanallar orqali Vashingtonga allaqachon taqdim etilgan.
“Vashingtondagi nufuzli shaxslarning rejaga oid birinchi izohlari juda ijobiy. Bitta savol shundaki, bunday muloqot uchun rossiyalik suhbatdosh topish mumkinmi?
Anqara Ukraina irodasini hurmat qiladi va taktik yadro qurolidan foydalanmasdan tinchlikka erishish uchun hamma imkoniyatlardan foydalanadi”, — dedi Turkiya va Yevropa Ittifoqi qo‘shma parlament qo‘mitasi raisi Ismoil Emrah Karayel.
