Finlyandiyada energiya tejash bo‘yicha ommaviy kampaniya boshlandi
Mamlakatda 95 foiz xo‘jaliklarda elektr isteʼmoli kamaytiriladi.
Finlyandiyada energetikani tejash bo‘yicha umummilliy kampaniyaga start berildi. Bu haqda respublika davlat kengashi saytida xabar berildi.
Ushbu dastur “Astetta alemmas” (“Bir daraja past”) deb nomlanadi. Undan ko‘zlangan maqsad Finlyandiyada energetik resurslar narxining oshishini oldini olish va uzoq muddatli istiqbolda mamlakatda elektr energiyasining umumiy isteʼmolini kamaytirishdan iborat.
Ushbu rejalarga erishish uchun hukumat 95 foiz uy xo‘jaliklarida energiya tejovchi tizimni yo‘lga qo‘ymoqchi.
“Energiya isteʼmoli ayniqsa, kunduz kunlari soat 8 dan 10 gacha hamda 16 dan 20 gacha kamaytirilishi kerak”, – deyiladi eʼlon qilingan hujjatda.
Loyiha qator vazirliklar, bosh vazir kanselyariyasi, Finlyandiya energetika agentligi va boshqa tashkilotlar bilan hamkorlikda ishlab chiqilgan.
Avvalroq energetik inqiroz tufayli Yevropada mobil aloqa tizimlarida muammo kuzatilishi mumkinligi to‘g‘risida xabar berilgandi.
