Putin Ukrainani “terrorizm”da aybladi
Rossiya prezidenti ommaviy hujumlarning sababini aytdi.
Bugun, 10-oktyabr kuni Ukrainaning ommaviy o‘qqa tutilishi fonida Rossiya Federasiyasi Xavfsizlik kengashining yig‘ilishi bo‘lib o‘tdi. Bu haqda “Korrespondent” nashri xabar qildi.
Uchrashuv avvalida prezident Vladimir Putin Ukrainani “terrorizm”da ayblab, Kursk atom elektr stansiyasiga qarshi allaqachon uchta terakt, shuningdek, “Turk oqimi”ga putur yetkazishga urinishlar sodir etilganini aytgan.
Rossiya yetakchisi bugungi hujumlar “Rossiyaga bo‘layotgan tahdidlarga javob” deya izohlagan.
“Bugun ertalab Mudofaa vazirligi taklifi bilan Ukrainaning energetika, harbiy qo‘mondonlik va aloqa obektlariga uzoq masofali aniqlikdagi qurollar bilan ommaviy zarba berildi. Hududimizda terrorchilik hujumlarini amalga oshirishga urinishlar davom etsa, Rossiya Federasiyasidan javob choralari qat’iy bo‘ladi”, — dedi Putin.
