Samarqandda Wolsvagen piyodani urib yubordi
IIB YHXB hodisa tafsilotlarini ma’lum qildi.
Bugun, 10-oktyabr kuni Samarqand shahrida odam o‘limi bilan bog‘liq yo‘l-transport hodisasi sodir bo‘ldi. Bu haqda viloyat IIB YHXB axborot xizmati xabar qildi.
Qayd etilishicha, soat 20:15 larda Samarqand shahrining “Gagarin” ko‘chasida piyodalar o‘tish joyidan o‘tayotgan piyodani shu yo‘nalishda harakatlanib kelayotgan Wolsvagen rusumli transport vositasi urib yuborgan. YTH oqibatida piyoda K.SH. og‘ir tan jarohati olib, voqea joyida vafot etgan.
Hozirda holat yuzasidan Samarqand shahar IIO FMB TB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib, surishtiruv ishlari olib borilmoqda.
