AQSH-Rossiya keskinligiga qaramay, Suriya cho‘llarida ikki davlat harbiylari do‘stona uchrashuv o‘tkazdi
Bu 8 oktyabrda bo‘lgan.
8 oktyabr kuni AQSH va Rossiya patrullari Suriyaning El-Xasaka provinsiyasida uchrashib qoldi. Ikki davlat o‘rtasidagi keskinlikka qaramay, uchrashuv do‘stona ruhda kechdi.
Bu amerikalik va rossiyalik harbiylarning mintaqada birinchi marta to‘qnashib qolishi emas. Ammo bu safar ular shunchaki bir-birining oldidan o‘tib keta olmadi. Harbiy kolonnalar to‘xtagan va askarlar o‘zaro do‘stona muloqot qilgan va birgalikda suratga tushishgan.
Ayrim harbiylar hatto o‘zaro formasi belgilarini almashgan.
AQSH 2014 yildan, Rossiya esa 2015 yildan buyon Suriya nizosida ishtirok etib keladi. Vashington muxolifatni qo‘llab-quvvatlasa, Moskva amaldagi prezident Bashar Asad tarafdori hisoblanadi.
