“Vaziyat xavotirli tus olmoqda”
Rossiyada o‘qiyotgan o‘zbekistonlik talabalar Shavkat Mirziyoyevga murojaat yo‘lladi.
Ijtimoiy tarmoqda Rossiya Federasiyasining Kursk viloyatida tahsil olayotgan o‘zbekistonlik talabalarning Prezident Shavkat Mirziyoyevga murojaati aks etgan video tarqaldi. Ular o‘z murojaatida Ukrainaga chegaradosh hududlarda xavf ortib borayotganini ma’lum qilib, o‘qishlarini O‘zbekistondagi OTMlarga ko‘chirishda yordam so‘ragan. Tashqi ishlar vazirligi rasmiy vakili mazkur holatga munosabat bildirdi.
Qayd etilishicha, talabalarning murojaati munosabati bilan O‘zbekiston Elchixonasi diplomatlari vaziyatni o‘rganish va mavjud muammolarni hal qilish maqsadida Kursk viloyatiga jo‘nab ketgan.
“Natijalar to‘g‘risida qo‘shimcha xabar beramiz”, — deyiladi xabarda.
Talabalarning aytishicha, Kursk tibbiyot oliygohi talabalari ta’lim olayotgan tibbiyot muassasasidan 30 kilometr uzoqlikda atom elektro stansiyasi joylashgan.
