Nukusdagi tartibsizlikda qo‘lga olinganlar ozodlikka chiqdi
Bu bo‘yicha Respublika Jo‘qorg‘i Kengesi iltimosnoma kiritgan.
Avvalroq Qoraqalpog‘iston Respublikasida yuz bergan holat va voqealarni o‘rganish hamda ular yuzasidan mustaqil tekshiruv o‘tkazish bo‘yicha komissiya tuzilgani xabar qilingandi.
Komissiya tomonidan fuqaro murojaatlarini o‘rganish davomida sodir etgan qilmishiga pushaymon va ijtimoiy sharoiti og‘ir bo‘lgan gumonlanuvchilarning ikkinchi ro‘yxati shakllantirilgan va ularni oilasiga qaytarish bo‘yicha tegishli choralar ko‘rilgandi.
Amalga oshirilgan ishlarning amaliy natijasi sifatida 2022-yilning oktyabr oyida yana 38 nafar gumonlanuvchi jamoat kafilligi asosida o‘z oilasiga qaytarildi.
Joriy yilning 13-oktyabr kuni Qoraqalpog‘istonda bo‘lib o‘tgan voqealarni mustaqil ravishda o‘rganayotgan Komissiya a’zolari taklifi va Qoraqalpog‘iston Respublikasi Jo‘qorg‘i Kengesi iltimosnomasiga ko‘ra, Bosh prokuratura tomonidan 16 nafar gumonlanuvchini jamoat kafilligi asosida o‘z oilasiga qaytarilgan.
Eslatib o‘tamiz, 12 oktyabr kuni ham 22 nafar gumonlanuvchini jamoat kafilligi asosida qo‘yib yuborilgan edi.
