Qashqadaryodan Toshkentga sifatsiz go‘sht tashilayotgani aniqlandi
Bu bo‘yicha viloyatda reyd tadbirlari o‘tkazilgan.
Qashqadaryo viloyatining Kitob tumanida Toshkentga sifasiz go‘sht mahsulotlari olib ketayotgan shaxs qo‘lga tushdi. Bu haqda Ichki ishlar vazirligi Jamoat xavfsizligi departamenti xabar qilmoqda.
Qayd etilishicha, Qashqadaryo viloyati IIB JXX JTSB Karantin tadbirlarni ta’minlash bo‘linmasi hamda Veterinariya va chorvachilikni rivojlantirish bo‘limi xodimlari tomonidan Kitob tumanida joylashgan “Mingchinor” YPX maskanida nazorat reyd tadbirlari olib borilgan. Reyd davomida Qashqadaryo—Toshkent yo‘nalishida harakatlanib kelayotgan fuqaro J.K. boshqaruvidagi Neksiya—2 rusumli avtotransport vositasida veterinariya-sanitariya talablariga zid ravishda hech qanday hujjatlarsiz, kelib chiqishi noma’lum bo‘lgan jami 110 kg og‘irlikdagi sifatsiz go‘sht mahsulotlari olib ketilayotganligi aniqlangan. Shundan so‘ng u o‘rnatilgan tartibda yoqish yo‘li orqali yo‘q qilingan.
