Jizzaxda sigaret chekkan bolaning onasi jarimaga tortildi
Holat yuzasidan viloyat XTB izoh berdi.
Ijtimoiy tarmoqda Jizzax shahrida maktab o‘quvchi elektron sigaret chekkani aks etgan video tarqaldi. Holat yuzasidan viloyat xalq ta’limi boshqarmasi matbuot xizmati rasmiy munosabat bildirdi.
O‘rganishlar natijasida videodagi bola Jizzax shahrining Madaniyat mahallasi yashovchi 2008-yilda tug‘ilgan, Jizzax shahar XTBga qarashli 5-sonli umumiy o‘rta ta’lim maktabi 8-sinf o‘quvchisi N.X. ekanligi aniqlangan.
Holat 15-oktyabr kuni soat 13:00 larda o‘quvchi maktabdan uyiga ketayotgan vaqtida maktab to‘g‘risida joylashgan do‘kon oldida tasvirga olingan. Bolaning tanishi bo‘lgan kibersport bilan shug‘ullanuvchi B.A. N.X.ning elektron segaret chekib yurganligini ko‘rib, undan nima uchun chekayapsan, deb so‘ragan, lekin uni chekishga majburlamagan va unga ushbu holatni videotasvirga olayotganligini aytib ogohlantirgan.
Hozirda voyaga yetmagan N.X.ning onasi Q.Sh.ga nisbatan Ma’muriy javobgarlik to‘g‘risidagi kodeksning 47-modda 1-qismi bilan bazaviy hisoblash miqdorining bir barobari miqdorida jarima jazosi qo‘llanilgan
