Betaraf qolayotgan Isroil Ukrainaga harbiy yordam berishi mumkin
Mamlakat diaspora vaziri bo‘yicha taklif berdi.
Isroil diaspora masalalari vaziri Naxman Shay hukumatni Ukrainaga harbiy yordam berishga chaqirdi. Bu haqda siyosatchi o‘z Twitter akkauntida yozib qoldirdi.
Shay bu bayonotini Rossiya Erondan qurol sotib olayotgani to‘g‘risidagi tarqalgan xabarlar ortidan bergan.
“Ukraina Isroildan xuddi AQSH va NATO davlatlari kabi harbiy yordam olish payti keldi”, – degan vazir.
U Isroilning joriy nizoda qaysi tarafni qo‘llab-quvvatlashi haqida shubha qolmaganini taʼkidlagan.
Tel-Aviv hozirga qadar Kiyevga harbiy yordam taqdim etmagan, faqatgina gumanitar ko‘mak yetkazib bergan.
