Yeyskda qulagan Su-34 halokatiga nima sabab bo‘lgan?
Rossiya Tergov qo‘mitasi dastlabki maʼlumotlarni ochiqladi.
Yeyskda qulagan Su-34 halokatiga texnik nosozlik asosiy sabab bo‘lgan. bu haqda RF tergov qo‘mitasi maʼlum qildi.
“Hozirgi vaqtda tergov qulashning asosiy sababi sifatida texnik nosozlikni ko‘rsatmoqda. Rossiya Tergov qo‘mitasi bosh harbiy tergov boshqarmasi RF JKning 351 moddasi bo‘yicha surishtiruvlarni davom ettirmoqda”, – deyiladi qo‘mita xabarida.
Bundan tashqari, samolyot uchuvchilari va aerodrom xodimlari tergov qilinayotgani aytilgan.
Maʼlumot o‘rnida: Rossiyaning Yeysk shahrida Su-34 harbiy samolyoti turarjoy binosiga quladi. 17 oktyabr kuni Su-34 bombardimonchi samolyoti Krasnodar o‘lkasidagi Yeysk shahriga quladi. Rasmiylar samolyot o‘quv parvozidan keyin halokatga uchraganini aytmoqda. Uchuvchilar o‘z vaqtida katapulta tugmasini bosgan. Hodisa oqibatida 13 kishi halok bo‘lgan, 19 kishi jarohatlangan.
