Farg‘onada homilador ayolning o‘limi yuzasidan qo‘shimcha ma’lumot berildi
Avvalroq uning shifokorlar aybi bilan vafot etgani aytilgandi.
Farg‘ona viloyatining Beshariq tumanidagi tibbiyot birlashmasida ayol vafot etdi va uning homilasi nobud bo‘ldi. Bu haqda “Renessans” telekanalining “Ovoza” informasion dasturida xabar qilindi.
Viloyat prokuraturasining ma’lum qilishicha, joriy yilning 30-avgust kuni marhuma Y.R. ikkinchi tug‘ruqdan so‘ng homilani ona qornidagi o‘limi, homilani olib tashlash bo‘yicha o‘tkazilgan kesarcha-kesish amaliyotidan so‘ng bachadon qon ketishi, bachadon va uni ortiqlari bilan olib tashlash gistoyektomiya-relaporatomiya amaliyotidan keyingi holat tashxisi bilan Beshariq tumani Tibbiyot birlashmasidan Qo‘qon shahar Tibbiyot birlashmasining Markaziy shifoxonasiga o‘tkazilgan. Biroq ko‘rsatilgan tibbiy yordamga qaramasdan 8 sentyabr kuni ayol shifoxonada vafot etgan.
Y.R.ning vafot etganligi holati yuzasidan o‘tkazilgan sud tibbiy ekspertizasi, RSTEIAM Farg‘ona filialining komission sud-tibbiy ekspertiza xulosalari va tergovga qadar tekshiruv davomida to‘plangan boshqa dalillarga asoslanib, uning o‘limi xolatida biron-bir shaxsning harakatlarida jinoyat tarkibi mavjud bo‘lmaganligi sababli 08 oktyabr kuni jinoyat ishi qo‘zg‘atishni rad etish haqida qaror qabul qilingan.
“Viloyat prokuraturasi tomonidan qarorning qonuniyligi o‘rganilganda, uni bekor qilish uchun asoslar topilmadi”, — deyiladi xabarda.
