Termizda sobiq hokimning kirdikorlari fosh bo‘ldi
Holat bo‘yicha prokuratura mu’lumot berdi.
Surxondaryo viloyatining Termiz shahar sobiq hokimi va bir qancha mansabdorlar qamoqqa olindi. Holat yuzasidan Bosh prokuratura ma’lumot berdi.
Qayd etilishicha, Termiz shahar hokimiyati sobiq mansabdor shaxslari tomonidan davlat hamda tadbirkorlarning manfaatlariga 35,6 mlrd so‘m zarar yetkazilganligi aniqlangan.
Hozirda Bosh prokuratura tomonidan Termiz shahar hokimiyati sobiq mansabdor shaxslariga nisbatan Jinoyat kodeksining 167, 205 va 209-moddalari bilan qo‘zg‘atilgan jinoyat ishi yuzasidan tergov harakatlari olib borilmoqda.
Joriy yil 24-sentyabr kuni Termiz shahar sobiq hokimi, keyinchalik uning 2 nafar o‘rinbosari va jinoyatga aloqador boshqa 8 nafar shaxsga nisbatan “qamoqqa olish” ehtiyot chorasi qo‘llangan.
