Yevroittifoq Rossiyaga qarshi sanksiyalarni kuchaytirmoqchi
Ittifoq barcha mamlakatlarni sanksiyalarga qo‘shilishga chaqirdi.
Yevropa Ittifoqi agar kerak bo‘lsa, Rossiyaga qarshi yangi sanksiyalar qo‘llashni davom ettirishga tayyorligini aytdi, ammo hech qanday yangi choralarni e’lon qilmadi. Bu haqda “RiaNovosti” nashri yozmoqda.
“Yevropa Ittifoqi Rossiyaga nisbatan cheklovchi choralarini yanada kuchaytirmoqchi va buni davom ettirishga tayyor”, — deyiladi hujjatda.
Yevropa Ittifoqi Rossiyaga qarshi joriy qilingan sanksiyalarning amalga oshirilishini ta’minlash, shuningdek, ularni chetlab o‘tishning oldini olish muhimligini ta’kidladi.
“Yevropa Ittifoqi barcha mamlakatlarni Yevropa sanksiyalariga qo‘shilishga chaqiradi. Bu yo‘nalishdagi sa’y-harakatlarni kuchaytirish kerak”,— deyiladi Yevropa sammiti xulosalarida.
