NATO: Rossiya to‘xtasa, tinchilik bo‘ladi, Ukraina to‘xtasa...
Yens Stoltenberg Rossiya NATOni qo‘rqita olmasligini aytdi.
Agar Vladimir Zelenskiy harbiy harakatlarni to‘xtatsa, Ukraina mustaqil davlatmaqomini yo‘qotadi. Bu haqda NATO bosh kotibi Yens Stoltenberg aytib o‘tdi.
“Biz Rossiyaning harakatlariga, u yerda kim bo‘lishidan qat’i nazar, munosabat bildiramiz. Va ularni bu harakatlarni to‘xtatishga undashda davom etamiz. Bu mojaroni boshlagan Prezident Putin edi va u ertaga o‘z qo‘shinlarini olib chiqib, uni tugatishi mumkin. Shuni yodda tutishimiz kerakki, agar Putin va Rossiya harbiy harakatlarni to‘xtatsa, tinchlikka erishiladi. Agar Prezident Zelenskiy va Kiyev to‘xtasa, Ukraina mustaqil davlat sifatida mavjud bo‘lishni to‘xtatadi. Biz bunday bo‘lishini xohlamaymiz. Shuning uchun Ukrainani qo‘llab-quvvatlaymiz”, — dedi Stoltenberg.
Uning ta’kidlashicha, NATOning eng ustuvor vazifasi Ukrainaga harbiy yordam ko‘rsatishdir. Stoltenbergning aytishicha, jang maydonidagi g‘alaba Ukraina Qurolli Kuchlarining xizmati, ammo NATO ko‘magisiz ular bu muvaffaqiyatlarga erisha olmagan bo‘lardi va ruslarni so‘nggi haftalarda bo‘lgan yo‘lidan ortga qaytara olmas edi.
Bundan tashqari, Stoltenberg NATOni qo‘rqitish yoki Rossiyaning yadroviy shantajiga chidashga majburlashning imkoni yo‘qligini qayd etgan.
