Nodavlat professional ta’lim litsenziyasini olish soddalashtirildi
Bu bo‘yicha Hukumat qarori qabul qilindi.
19-oktyabr kuni “Nodavlat sektorda professional ta’limni rivojlantirishga shart-sharoitlar yaratilishi hamda pedagog kadrlarni attestasiyadan o‘tkazish tizimi takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” Hukumat qarori qabul qilindi. Bu haqda “Huquqiy axborot” telegramm kanalida xabar berildi.
Qarorga ko‘ra, nodavlat professional ta’lim tashkilotlari uchun davlat mulki ob’yektlarini ijaraga olishning eng ko‘p muddati 5 yildan 10 yilgacha uzaytirildi.
Nodavlat ta’lim tashkilotlarining professional ta’lim xizmatlarini ko‘rsatish uchun bankdagi hisobvarag‘iga qo‘yiladigan mablag‘ miqdori 2 baravarga (50 ming dollardan 25 ming dollarga) qisqartirish orqali lisenziya talablari va shartlari soddalashtirildi.
