Kongressmenlar Bayden maʼmuriyatini Rossiya bilan muzokara o‘tkazishga chaqirdi
Ular Moskvaga qarshi sanksiyalarni yumshatishni taklif qilgan.
Bir guruh kongressmen- demokratlar Bayden maʼmuriyatini Ukraina bo‘yicha Rossiya bilan to‘g‘ridan-to‘g‘ri muzokaralarni ko‘rib chiqishga chaqirdi.
Demokratik partiyaning chap qanotiga mansub Vakillar palatasining 30 nafar aʼzosi prezident Jo Baydenga ochiq xat yozib, uni “sulhni to‘xtatish uchun real asos” izlab, Rossiya bilan to‘g‘ridan-to‘g‘ri muzokaralar o‘tkazish imkoniyatidan bosh tortmaslikka chaqirdi.
Ular mojaroni tugatish uchun rag‘bat sifatida AQSH Rossiyaga sanksiyalarni yumshatishni taklif qilishi mumkin, deb hisoblaydi.
Avvalroq Vakillar palatasiga noyabrda o‘tkaziladigan oraliq saylovlada respublikachilar palatada ko‘pchilikni qo‘lga kiritsa, Ukrainani qo‘llab-quvvatlash uchun mablag‘ ajratishda ancha ehtiyotkor bo‘lishi haqida xabarlar tarqalgandi.
