Buxoroda talaba zaharlandi
Viloyat prokuraturasi tafsilotlarni ochiqladi.
Ijtimoiy tarmoqlarda Buxoro muhandislik-texnologiya institutida suiqasd uyushtirilgani haqida xabarlar tarqaldi. Holat yuzasidan viloyat prokuraturasi rasmiy izoh berdi.
Ma’lum qilinishicha, institut talabasi T.M. me’yoridan ortiq qon bosimini tushuruvchi dori vositalarini iste’mol qilganligi sababli zaharlanib, 26-oktyabr kuni shifoxonaga yotqizilgan. Bemorga malakali tibbiy yordam ko‘rsatilgan va ayni paytda u shifoxonada davolanmoqda.
Tezkor-tergov guruhi tomonidan hodisa joyi ko‘zdan kechirilgan. Institut va boshqa ma’sul shaxslarning xatti-harakatlari yuzasidan xizmat tekshiruvlari tayinlangan.
Hozirda mazkur holat bo‘yicha Buxoro shahar prokuraturasi tomonidan tergovga qadar tekshiruv harakatlari olib borilmoqda.
