Safarbarlikka jalb qilinayotgan o‘zbekistonliklar bo‘yicha rasmiy maʼlumot berildi
Rossiyadagi o‘zbekistonlik mehnat migrantlaridan harbiy harakatlarga aralashmaslik so‘ralmoqda.
Rossiya Federatsiyasining Orlov viloyatida vaqtincha mehnat faoliyatini amalga oshirayotgan o‘zbekistonlik mehnat migrantlarini safarbarlikka jalb qilish uchun chaqiruvlar kelgani haqida ijtimoiy tarmoqlarda tarqaldi.
Ushbu holat O‘zbekistonning Moskva shahridagi elchixonasi va Tashqi mehnat migratsiyasi agentligining Rossiya Federatsiyasidagi vakolatxonasi vakillaridan iborat ishchi guruh tomonidan nazoratga olindi va tashkilot rahbariyati hamda fuqarolar bilan aloqa o‘rnatilib, voqea joyiga yo‘l olindi.
O‘rganishlar natijasi yuzasidan qo‘shimcha maʼlumot beriladi.
"Shu munosabat bilan, Rossiyadagi o‘zbekistonlik mehnat migrantlaridan harbiy harakatlarga aralashmaslikni, nizoli hududlarga bormaslikni hamda bunday holatlarga duch kelsa, Tashqi mehnat migratsiyasi agentligi va boshqa vakolatli tashkilotlaga murojaat qilishlarini so‘raymiz", deyiladi xabarda.
