Qodirov Ukrainada “Qasos”ni boshlamoqchi
Checheniston rahbari alohida harbiy amaliyot o‘tkazilishini maʼlum qildi
Ramzan Qodirov Ukrainada “Qasos” deb nomlangan yangi “maxsus operatsiya” o‘tkazilishini eʼlon qildi. Shu bilan birga u ushbu amaliyot kim tomonidan o‘tkazilishi va qaysi yo‘nalishlarda olib borilishiga aniqlik kiritmagan.
Bundan tashqari, janob Qodirov Rossiya qo‘shinlarining Nikolayev-Krivorog, Soledar yo‘nalishlaridagi muvaffaqiyatli harakatlarini alohida qayd etgan. Uning so‘zlariga ko‘ra, Soledarda “Axmat” maxsus kuchlari harakat qilmoqda.
Checheniston rahbari shu haftada Rossiya kuchlari yana tanqid qilib chiqdi. U Ukraina shaharlarini yer yuzidan “supurib” tashlashga chaqirgan.
Shuningdek, Qodirov kecha Xerson yo‘nalishida ko‘plab chechen jangchilarining halok bo‘lganini maʼlum qilgan.
