Qashqadaryoda o‘qituvchi o‘quvchini kaltakladi
Holat bo‘yicha to‘plangan hujjatlar jinoyat sudiga yuborilgan.
Ijtimoiy tarmoqlarda Qashqadaryo viloyatining Koson tumanida o‘qituvchi o‘quvchini kaltaklagani haqida xabarlar tarqaldi. Holat yuzasidan viloyat Xalq ta’limi boshqarmasi rasmiy munosabat bildirdi.
Ma’lum bo‘lishicha, 24-oktyabr kuni Koson tumanidagi maktabda faoliyat yurituvchi o‘qituvchi I.M. darsida maktab o‘quvchisi Q.B.ni urib, yengil tan jarohati yetkazgan.
Holat yuzasidan Koson tuman IIB tomonidan surishtiruv ishlari olib borilib, fuqaro I.M. ga O‘zbekiston Respublikasi MJtKning 52-moddasi 2-qismiga asosan ma’muriy bayonnoma rasmiylashtirilib, chora ko‘rish uchun to‘plangan hujjatlar jinoyat ishlari bo‘yicha Koson tuman sudiga yuborilgan.
