Yelizaveta II‘ga tegishli “Jaguar” kimoshdi savdosiga qo‘yildi
Mashinaning birinchi egasi ham qirolicha Yelizaveta II bo‘lgan.
Buyuk Britaniya qirolichasi Yelizaveta II‘ga tegishli bo‘lgan Jaguar X-Type Estate avtomobili Britaniyaning Historics Auctioners auksion uyi tomonidan kimoshdi savdosiga qo‘yildi. Auksion 26 noyabr kuni bo‘lib o‘tadi.
“Qirollik tarixining bu ajoyib namunasi “zumrad olov” rangida charm qoplamali salon bilan taqdim etilgan va uning birinchi egasi qirolicha Yelizaveta II bo‘lgan”, — deyiladi xabarda.
Maʼlumot o‘rnida, mashinada lyuk bor, u avtomatik uzatmalar qutisi, iqlim nazorati tizimi bilan jihozlangan. Mashina V6 dvigateli bilan jihozlangan.
Qayd etilishicha, mashinani “bolg‘a qanday narxga urilsa ham – bu atigi 1 funt sterling bo‘lsa ham” sotish mumkin.
