Dunyodagi eng uzun bo'yli ayol ilk bor samolyotda uchdi
Buning uchun 6 ta o'rindiq olib tashlangan.
Dunyodagi eng uzun bo‘yli ayol hisoblangan Turkiya fuqarosi umrida birinchi marta yo‘lovchi layneriga chiqib, Shimoliy Amerika qit'asiga parvoz qildi.
Rumeisa Gelgining bo'yi 215,16 smni tashkil etadi. Bunday antropometrik ko‘rsatkichlar tufayli ayol Ginnesning rekordlar kitobiga kirgan. Uning parvozi 13 soat davom etdi.
25 yoshli ayol tez o'sishni keltirib chiqaradigan kam uchraydigan genetik kasallik — Weaver sindromi tufayli nogironlar aravachasidan foydalanishga majbur. Uni samolyot saloniga joylashtirish uchun oltita o'rindiq o'rniga maxsus zambillar o'rnatildi.
Istanbuldan San-Fransiskoga parvozdan so'ng Gelgi o'z his-tuyg'ularini ijtimoiy tarmoqlardagi 20 mingga yaqin obunachilari bilan bo'lishdi:
"Ushbu parvoz ilk daqiqadan so'nggi daqiqagacha bo'lgan ajoyib sayohat bo'ldi. Bu mening birinchi marta samolyotda uchishim edi, lekin, albatta, oxirgisi emas... unda ishtirok etgan barchaga chin dildan rahmat", — deb yozdi Gelgi.
Ma'lumot o'rnida, ayol dasturiy ta'minot sohasida ishlaydi va AQShda kamida 6 oy qolishni rejalashtirmoqda.
