Tashqi mehnat migratsiyasi agentligi ogohlantirish bilan chiqdi
O‘zbekiston fuqarolaridan harbiy harakatlarda ishtirok etmaslik so‘ralmoqda.
Tashqi mehnat migratsiyasi agentligi Rossiya Federatsiyasi hududida vaqtincha mehnat faoliyatini amalga oshirayotgan O‘zbekiston fuqarolarini Rossiya va Ukraina o‘rtasidagi ziddiyatli hududlarga jalb qilish haqidagi daʼvatlarga ergashmaslik, ziddiyatli hududlarga bormaslik va harbiy harakatlarda ishtirok etmaslik bo‘yicha ogohlantirdi.
Shuningdek,
"O‘zbekiston Respublikasi Jinoyat kodeksining 154 prim 1-moddasida chet davlatlarning harbiy xizmatiga, xavfsizlik, politsiya, harbiy adliya organlari yoki shunga o‘xshash boshqa organlariga xizmatga yollanish uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanishi ko‘zda tutilgan", — deyiladi agentlik xabarida.
