Denovda 23 yoshli erkak ko‘chada kiyimsiz harakatlandi
Hozirda unga nisbatan jazo choralari ko‘rilmoqda.
Ijtimoiy tarmoqlarda Surxondaryo viloyatining Denov tumanida yalang‘och holatda ko‘chada harakatlanib yurgan fuqaro videosi tarqaldi. Holat yuzasidan viloyat IIB ma’lumot berdi.
Qayd etilishicha, 5 noyabr kuni soat 22:00 larda Denov tumani “Yangihayot” mahallasi “Mustaqillik” ko‘chasida 1999 yilda tug‘ilgan S.Mahmud jamiyatda yurish-turish qoidalariga amal qilmasdan ust-boshidagi kiyimlarini yechib, yalang‘och holda harakatlangan.
“Yalang‘och holda yo‘lda yurganimdan pushaymonman. Prezidentdan va xalqdan kechirim so‘rayman”, — deydi u.
Mazkur holat yuzasidan Denov tumani IIB tomonidan fuqaro S.Mahmudga nisbatan Ma’muriy javobgarlik to‘grisidagi kodeksning 183-moddasida nazarda tutilgan jazo choralari ko‘rilmoqda.
