Ozarbayjonning harbiy byudjeti rekord darajaga yetadi
Ilhom Aliyev: Armiyamiz kuchli bo'lganini Armaniston bilishi kerak.
Ozarbayjonning harbiy byudjeti 2023-yilda rekord darajaga yetadi. Bu haqda mamlakat Prezidenti Ilhom Aliyev Shushada harbiylar oldidagi chiqishi chog‘ida ma’lum qildi.
"Kelgusi yil Ozarbayjon davlat byudjeti rekord darajaga yetadi, jumladan, harbiy xarajatlarga ajratiladigan mablagʻ. Nega deb soʻrashingiz mumkin, urush tugadi, ikki yil oʻtdi. Javob juda oddiy. Armanistonda revanshist kuchlar bosh koʻtarmoqda. U yerda urush oqibati bilan murosaga kelishga tayyor kuchlar va doiralar paydo boʻlmoqda”, - deydi u.
Prezident Ozarbayjon armiyasi mustahkamlangani, isloh qilinayotgani va jihozlanishi takomillashtirilganini ta’kidladi.
"Hozirgi Ozarbayjon armiyasi ikki yil oldingidan kuchliroq va buni hamma bilishi kerak. Armaniston ham", - dedi Aliyev.
Unga ko‘ra, Armaniston 2020-yil 10-noyabrdagi kelishuvlarga to‘liq amal qilmayapti, qurolli kuchlarini Qorabog‘dan to‘liq olib chiqmagan.
Aliyev, agar Armaniston yaxshi qoʻshnichilik siyosatini olib borishni istasa, birinchi navbatda, barcha kelishuvlarni bajarishi, tinchlik muzokaralarida samimiy boʻlishi va vaqtni behuda oʻtkazmasligi kerak.
