Toshkentda bir qator ko‘chalar yopilmoqda
Shahar hokimligi cheklov sababini ma’lum qildi.
Davlat bayrog‘i kun munosabati bilan joriy yilning 13 noyabr kuni Toshkent shahrining 3 ta hududida (“Yangi O‘zbekiston” bog‘i, Humo arena sport majmuasi, “Ashxobod” bog‘i) “Yangi nafas” yugurish sport musobaqasi o‘tkaziladi.
Shu munosabai bilan Toshkent shahrining bir necha ko‘chalari vaqtincha yopiladi.
12-noyabr kuni soat 15:00 dan 13 noyabr kuni soat 15:00 gacha:
—Afrosiyob ko‘chasining Islom Karimov ko‘chasi bilan kesishmasidan Beshyog‘och ko‘chasi bilan kesishmasigacha bo‘lgan qismi;
13-noyabr kuni soat 11:30 dan 14:00 gacha:
—Afrosiyob ko‘chasining Islom Karimov ko‘chasi bilan kesishmasidan Sharof Rashidov shohko‘chasi bilan kesishmasigacha bo‘lgan qismi;
—Sharof Rashidov shohko‘chasining Afrosiyob ko‘chasi bilan kesishmasidan Islom Karimov ko‘chasi bilan kesishmasigacha bo‘lgan qismi;
—Islom Karimov ko‘chasining Sharof Rashidov shohko‘chasi bilan kesishmasidan Afrosiyob ko‘chasi bilan kesishmasigacha bo‘lgan qismi;
13-noyabr kuni soat 6:00 dan 12:00 gacha:
—Yangi O‘zbekiston ko‘chasining “Yangi O‘zbekiston” bog‘idan Jasorat ko‘chasi kesishmasigacha bo‘lgan qismi (Toshkent shahriga kirish qismi, yo‘lning bir tomoni);
13-noyabr soat 8:30 dan 11:00 gacha:
—Yangi O‘zbekiston ko‘chasining Jasorat ko‘chasi kesishmasidan (Toshkent viloyatiga kirish qismi, yo‘lning ikkinchi tomoni) “Yangi O‘zbekiston” bog‘igacha bo‘lgan qismi.
“Noqulayliklar uchun uzr so‘rab, haydovchilarga aylanma yo‘llardan foydalanishlarini tavsiya etamiz”, — deyiladi xabarda.
