Toshkentda yana bir yo‘l yopildi
Avtomobil harakati 8 soatga cheklanadi.
Ta’mirlash ishlari sababli 12-noyabr kuni soat 20:00 dan 13-noyabr soat 04:00 ga qadar Toshkent xalqa avtomobil yo‘li bilan Bunyodkor ko‘chasi kesishmasida joylashgan ko‘prik ostidagi yo‘l yopiladi. Bu haqda shahar hokimligi ma’lum qildi.
“Noqulayliklar uchun uzr so‘rab, haydovchilarga aylanma yo‘llardan foydalanishlarini tavsiya etamiz”, — deyiladi xabarda.
Eslatib o‘tamiz, avvalroq Toshkent shahrida 13-noyabr kuni yugurish sport musobaqasi o‘tkazilishi munosabati bilan poytaxtning bir qator ko‘chalarida harakat cheklanishi haqida xabar berilgandi.
