Qashqadaryoda “Kamaz” bilan to‘qnashgan “Spark” yonib ketdi
Holat bo‘yicha viloyat IIB ma’lumot berdi.
Bugun, 14-noyabar kuni Qashqadaryo viloyatining Yakkabog‘ tumanida yuk mashinasi bilan to‘qnashgan Spark yonib ketdi. Holat yuzasidan viloyat IIB axborot xizmati ma’lumot berdi.
Qayd etilishicha, hodisa 18:20 larda Yakkabog‘ tumani 4R-84 Chiroqchi–Yakkabog‘–Shurbozor avtomobil yo‘lining 14-kilometrida yuz bergan. Haydovchi U.S. “Spark” rusumli transport vositasi bilan haraktlanib kelayotib, chorrahadan qarama-qarshi tomondan kelayotgan haydovchi B.X. boshqaruvida bo‘lgan “Kamaz” bilan to‘qnashib ketgan.
YTH oqibatida qisqa tutashuv sodir bo‘lib, “Spark” rusumli avtomashinasida yong‘in kelib chiqqan va zudlik bilan Yakkabog‘ tumani FVB bo‘linmasi bitta yong‘in qutqaruv bo‘linmasi voqea joyiga yetib borib yong‘inni bartaraf etgan.
Natijada hech kim hech qanday tanjarohati olmagan. Hozirda mazkur holat yuzasidan surishtiruv harakatlari olib borilmoqda.
