Ukrainasiz Rossiya bilan muzokaralar bo‘lmaydi—Bayden
AQSH Prezidenti qishda urush sekinlashishini aytdi.
Qo‘shma Shtatlar Ukrainaning ishtirokisiz Rossiya Federatsiyasi bilan muzokaralar olib bormaydi. Bu haqda AQSH prezidenti Jozef Bayden Balidagi matbuot anjumanida aytib o‘tdi.
Amerika rahbariga jurnalistlar Rossiyaning Xersondan chekinishi urushdagi burilish nuqtasimi yoki Qo‘shma Shtatlar Ukrainaning butun hududini ozod qilish uchun qo‘llab-quvvatlashda davom etishi haqida savol bilan murojaat qilgan.
“Bu Ukraina uchun muhim, ahamiyatli g‘alaba. Men Ukraina xalqi va Ukraina harbiylarining jasorati, qat’iyati va qobiliyatini olqishlashdan boshqa hech narsa qila olmayman. Qo‘shma Shtatlar Ukraina xalqiga o‘z mudofaasi uchun imkoniyatlar yaratishda davom etadi. Va biz hech qanday muzokaralarda qatnashmoqchi emasmiz. Bu ukrainaliklar qabul qilishi kerak bo‘lgan qaror”, - dedi Bayden.
Shuningdek, Oq uy rahbari qish oylarida jang maydonida “biroz sekinlashuv” sezilarli bo‘ladi, degan fikrni bildirdi.
