Xitoy va Yaponiya yer talashmoqda
Tokio Pekinga ayblov qo‘ydi.
Yaponiya Bosh vaziri Fumio Kisida Kambodjadagi Sharqiy Osiyo sammitida so‘zlagan nutqida Xitoyni Tokioning Sharqiy Xitoy dengizidagi suverenitetini buzayotganlikda aybladi. Bu haqda “Kyodo” yozmoqda.
Yaponiya rahbari, shuningdek, Tayvan atrofida barqarorlik mintaqa xavfsizligiga ta’sir qiluvchi muhim masala ekanini aytdi.
Eslatib o‘tamiz, iyul oyi boshida Tokio Pekinga ikki Xitoy qirg‘oq qo‘riqlash kemasining Senkaku arxipelagiga yaqin suvlarga kirgani yuzasidan norozilik bildirgandi.
Arxipelag Yaponiya tomonidan nazorat qilinadi. Hukumat orollar tarix va xalqaro huquq nuqtai nazaridan Yaponiya hududining ajralmas qismi ekanligini ta’kidlaydi.
Xitoy bir necha bor Senkaku arxipelagi va unga tutash orollar qadim zamonlardan beri Xitoy hududi bo‘lganligini va Pekin ular ustidan shubhasiz suverenitetga ega ekanligini rasman e’lon qilgan.
