Xitoy Rossiyaning G20‘dan quvilishiga qarshi
“Katta yigirmatalik” sammiti doirasida Van I va Sergey Lavrov o‘zaro uchrashuv o‘tkazdi.
Xitoy tashqi ishlar vaziri Van I RFning G20 tarkibidan chiqarib yuborilishiga qarshi chiqdi. Bu haqda u rossiyalik hamkasbi Sergey Lavrov bilan uchrashuvda gapirgan.
“ ‘Yigirmatalik‘ sammitida shaxsan ishtirok etayotganingizdan xursandman. Biz Rossiyaning G20 doirasidagi mavqeini qo‘llab-quvvatlaymiz. Hech kim RFning ko‘p formatli muloqotida ishtirok etishni cheklash huquqi yo‘q”, — degan Xitoy TIV rahbari.
Ukrainada harbiy mojaro boshlangach, ko‘plab davlatlar Moskvaning “Katta yigirmatalik”dan chiqarib yuborilishini talab qildi. 14 noyabr kuni Ukraina oliy radasi ushbu tashabbus aks etgan murojaatni G20 davlatlariga yo‘lladi.
