MAGATE Rossiyani Zaporojye AESni tark etishga chaqirdi
Bu bo‘yicha maxsus rezolyutsiya qabul qilingan.
Xalqaro atom energetikasi agentligi (MAGATE) Rossiyani Zaporojye AESni tark etishga chaqirdi. Bu haqda tashkilotning Ukrainadagi vaziyat bo‘yicha qabul qilgan rezolyutsiyasida so‘z boradi.
“Boshqaruvchilar kengashi afsusda ekanini bildiradi va RFning Ukrainaga tegishli Zaporojye AESni egallashga qaratilgan harakatlarini tan olmaydi. Kengash Rossiya Federatsiyasini ushbu stansiyaga egalik bo‘yicha asossiz daʼvolardan voz kechishga chaqiradi”, – deyiladi hujjatda.
Rossiyaning Venadagi doimiy vakolatxonasi maʼlumotlariga ko‘ra, RFdan tashqari Xitoy ham ushbu rezolyutsiyaga qarshi ovoz bergan. Hindiston, Pokiston, Saudiya Arabistoni, Vyetnam, JAR, Keniya va Namibiya ovoz bermagan.
Zaporojye AES Yevropadagi eng yirik atom stansiyasi hisoblanadi. u 5 oktyabrda Rossiya yurisdiksiyasiga o‘tgani eʼlon qilingandi.
