O‘zbekiston: Afg‘oniston bo‘yicha xalqaro muzokaralar guruhi tuzish kerak
O‘zbekiston prezidentining Afg‘oniston bo‘yicha maxsus vakili Ismatulla Ergashev boshchiligidagi O‘zbekiston delegatsiyasi Afg‘oniston bo‘yicha Moskva formatidagi maslahatlashuvlar navbatdagi yig‘ilishida qatnashdi.
O‘zbekiston prezidentining Afg‘oniston bo‘yicha maxsus vakili Ismatulla Ergashev boshchiligidagi O‘zbekiston delegatsiyasi Afg‘oniston bo‘yicha Moskva formatidagi maslahatlashuvlar navbatdagi yig‘ilishida qatnashdi.
Unda Afg‘oniston inqirozini hal etish, mamlakatga tez fursatda insonparvarlik va boshqa yordam ko‘rsatish borasidagi xalqaro saʼy-harakatlar ko‘rib chiqildi.
Qatnashuvchilar, Afg‘onistondagi mavjud vaziyat, xalqaro hamjamiyat mamlakat yangi hukumatiga nisbatan mujassamlashgan pozitsiyasini ishlab chiqish, Afg‘onistonda barqaror va uzoq muddatli tinchlik o‘rnatish istiqbollari yuzasidan fikr almashdi.
Afg‘oniston iqtisodiyotini tiklash, ushbu davlatda turli infratuzilma loyihalarini amalga oshirish, energetika va transport-kommunikatsiya sohalarida ko‘mak ko‘rsatish muhimligi qayd etildi.
Tadbir yakunida qo‘shma bayonot qabul qilinib, unda ishtirokchilar O‘zbekiston tomonining BMT shafeligida xalqaro muzokaralar guruhi tuzish to‘g‘risidagi taklifini qo‘llab-quvvatladi.
