Surxondaryoda haydovchi va yo‘lovchilar o‘rtasida janjal chiqdi
Holatga viloyat IIB ma’lumot berdi.
Bugun, 19-noyabr kuni Surxondaryo viloyatining Qo‘mqo‘rg‘on tumanida haydovchilar o‘rtasida janjal yuzaga keldi.Holat yuzasidan viloyat IIB ma’lumot berdi.
Qayd etilishicha, hodisa soat 11:30 larda Qumqo‘rg‘on tumanining “Besh qahramon” mahallasi hududidan o‘tuvchi M41 avtomobil yo‘lida yuz bergan. 1994 yilda tug‘ilgan fuqaro M.I. “Lasetti” rusumli avtomashinasida o‘zi bilan bir yo‘nalishda harakatlanib ketayotgan “Kobalt” avtomashinasi yo‘lini to‘sib to‘xtatib, yo‘lovchilari X.N. X.B va haydovchisi Yu.F.lar bilan o‘zaro janjal chiqaradi. Hududda xizmat olib borayotgan YPX inspektorlari hamda hamkor huquq tartibot xodimlari tomonidan ushbu holat bartaraf etilib, fuqarolar Qumqo‘rg‘on tumani IIB ga olib boriladi.
Hozirda holat yuzasidan ayblanuvchilarga nisbatan O‘zbekiston Respublikasi JKning 277-moddasi 3-qismi “g “ bandi bilan jinoyat ishi qo‘zg‘atildi. Aybdorlikda gumonlanuvchi shaxslar O‘zbekiston Respublikasi JPKning 221-moddasi tartibida ushlanib, dastlabki tergov harakatlari olib borilmoqda.
