Toshkent–Termiz yo‘nalishida poyezdlar harakati bekor qilinadi
Rasmiylar buning sababini ma’lum qildi.
Ba’zi yo‘nalishdagi poyezdlar harakati vaqtincha to‘xtatiladi, deya xabar bermoqda “O‘zbekiston temir yo‘llari” AJ matbuot xizmati.
Ma’lum qilinishicha, temiryo‘l izlarini ta’mirlash va modernizasiya qilish rejasi asosida Alatun–Neguz temiryo‘l bekatlari oralig‘idagi ko‘prikda modernizasiya ishlari olib borilishi sabab bir qator yo‘lovchi poyezdlar harakati bekor qilinadi va harakat jadvaliga o‘zgartirishlar kiritiladi.
24-25-noyabr kuni 80-sonli Toshkent–Termiz poyezdi Toshkent bekatidan ikki reysga, 25-26 noyabr kuni 79-sonli Termiz–Toshkent poyezdi Termiz bekatidan ikki reysga qatnovi bekor bo‘lganligi sababli 681-sonli Sariosiyo–Toshkent poyezdida ham 25-26 noyabr kunlari ikkita reys amalga oshirilmaydi.
Ushbu yo‘nalishlar uchun rasmiylashtirilgan chiptalar puli to‘liq qiymatda qaytariladi.
