Samarqandda xitoylik shaxs itni temir bilan urib o‘ldirdi
IIB unga qanday chora ko‘rilganini ma’lum qildi.
Ijtimoiy tarmoqda bog‘liq holatdagi itni temir bo‘lagi bilan urib o‘ldirib, hayvonlarga shafqatsiz munosabatda bo‘lgan shaxs videosi tarqaldi. Holat yuzksidan viloyat IIB ma’lumot berdi.
Ushbu shaxsni aniqlash bo‘yicha olib borilgan tezkor surishtiruv ishlari natijasida ushbu holatni sodir etgan erkak Xitoy xalq Respublikasi fuqarosi HAO SIHUA ekanligi aniqlangan va unga nisbatan Ma’muriy javobgarlik to‘g‘risidagi Kodekisining 111-moddasi 1-qismi bilan ma’muriy bayonnoma rasmiylashtirilib, ushbu modda bilan bazaviy hisoblash miqdorining uch barobari miqdorida (900 ming so‘m) jarima jazosi tayinlangan.
Qo‘shma korxonaning qolgan ishchilari va rahbarlari bilan qayta shu turdagi huquqbuzarlikni sodir etmasligi yuzasidan tarjimon xizmatidan foydalanib profilaktik ishlar olib borilgan.
