Sayyoramiz reanimatsiyada qolmoqda-BMT
Kechikib yakunlangan iqlim sammiti tafsilotlari ma’lum qilindi.
BMTning iqlim o‘zgarishi bo‘yicha yig‘ilishi Sharm al-Sheyxda o‘z ishini rejalashtirilganidan ikki kun kech yakunladi.
Bu vaqt davomida ishtirokchilar yakuniy deklarasiyani kelishib olishga harakat qilishdi. Ushbu hujjat, xususan, dastlab rivojlangan davlatlar, shuningdek, jismoniy shaxslar, jamoat tashkilotlari va xalqaro moliya institutlarining badallari hisobidan shakllantiriladigan jamg‘armani tashkil etishni nazarda tutadi. Ushbu jamg‘arma mablag‘lari iqlim o‘zgarishidan eng ko‘p jabrlangan mamlakatlarga yo‘naltiriladi.
Yevropa Ittifoqi davlatlari va AQSH Xitoydan ushbu fondga majburiy badallar kiritishni talab qildi. Ushbu band bo‘yicha kelishuvga erishilmadi, ammo chora ko‘rib chiqilmoqda.
Uchrashuvning ko‘plab ishtirokchilari natijalardan norozi bo‘lishdi. Xususan, yakuniy deklarasiyada issiqxona gazlari chiqindilarini keskin kamaytirish zarurligi to‘g‘risidagi band kiritilmaganiga e’tibor qaratildi.
BMT Bosh kotibi Antoniu Guterrish uchrashuv yakunlarini sharhlar ekan, “Sayyoramiz reanimasiya bo‘limida qolishda davom etmoqda.Hozirda biz chiqindilarni keskin cheklashimiz kerak, ammo bu muammo bu yig‘ilishda tilga olinmadi. Jamg‘arma zudlik bilan kerak, iqlim o‘zgarishi tufayli bu ketishda kichik orol davlati okeanda yo‘qolib qolsa, butun Afrika qit’asi cho‘lga aylanadi”, dedi.
