Parkentda qizlar yigit talashib mushtlashgani aytildi
Holatga viloyat IIB izoh berdi.
Ijtimoiy tarmoqlarda Toshkent viloyatining Parkent tumanida qizlar janjallashgani aks etgan video tarqaldi. Holat yuzasidan viloyat IIB rasmiy munosabat bildirdi.
Ma’lum bo‘lishicha, videodagi voqea 2022-yilning iyun oyida, Parkent tumani 43-maktabning 2 nafar, 2003 va 2004 yilda tug‘ilgan bitiruvchi (o‘quvchi) qizlari o‘rtasida kelib chiqqan. Shu kunga qadar ular yoki yaqinlari tomonidan Ichki ishlar organlariga mazkur voqea bilan bog‘liq murojaat yoki ariza kelib tushmagan.
Voqea janjalni tomosha qilgan yigit (2002 yilda tug‘ilgan S.Z.) tomonidan tasvirga olingan va bugungi kunga kelib internet tarmoqlarida tarqatilgan.
O‘rganish davomida ushbu shaxslarning xatti-harakatida O‘zbekiston Respublikasi MJtKning 183-moddasida ko‘rsatilgan huquqbuzarlik alomatlari bo‘lganligi sababli, ma’muriy bayonnoma rasmiylashtirilib, to‘plangan hujjatlar qonuniy chora ko‘rish uchun JIB Parkent tumani sudiga yuborilgan
