Samarqanddagi tungi klub yonida katta janjal chiqdi
Holat bo‘yicha viloyat IIB ma’lumot berdi.
Samarqand viloyatining Urgut tumanida bir guruh shaxslar tungi klub yonida jannjal chiqardi. Holat yuzasidan viloyat IIB ma’lumot berdi.
Voqea 24 sentyabr kuni Urgut tumani Baxrin MFYda joylashgan tungi klub oldida yuz bergan. Unda bir guruh shaxslar o‘rtasida kelishmovchilik yuzaga kelib, janjalga aylangan. Holat yuzasidan tuman IIB navbatchilik qismiga kelib tushgan xabarga asosan IIB xodimlari hodisa joyiga yetib borib, janjalning oldi olinib, tegishli tartibda rasmiylashtirilgan.
Janjal bo‘yicha tergovga qadar tekshiruv harakatlari olib borilib, hozirda to‘plangan hujjatlar qaror qabul qilish uchun tergov organlariga topshirilgan.
Hozirda janjal qilganlarga nisbatan Urgut tumani IIB huzuridagi Tergov bo‘limi tomonidan Jinoyat kodeksining 277-moddasi 2-qismi bilan jinoyat ishi qo‘zg‘atilib, tergov harakatlari olib borishga kirishilgan.
