ISW: Rossiya butun Ukrainani nazoratga olish fikridan qaytmagan
Ekspertlar Kreml nima uchun bir-biriga zid bayonot berayotganini taxmin qildi.
Kreml butun Ukrainani nazoratga olish maqsadidan qaytmagan, ammo G‘arb davlatlarini chalg‘itish uchun uni ortga surgan. Bu haqda Amerika urush tadqiqotlari instituti (ISW) ekspertlarining navbatdagi hisobotida so‘z boradi.
Moskva G‘arbning Ukrainaga muzokaralar stoliga borishi uchun bosim o‘tkazishini istayapti. Vladimir Putinning matbuot kotibi Dmitriy Peskov 21 noyabrda Rossiya Ukrainada hokimiyat almashinishini maqsad qilmaganini, RF Prezidenti bu haqda bir necha bor aytganini taʼkidlagandi. Amalda Putin ushbu bayonotning butunlay aksini gapirgandi.
Kreml maqsadlarining chalkash ko‘rinishi G‘arb auditoriyasi uchun mo‘ljallangan bo‘lishi mumkin. Bu o‘z navbatida Rossiyadagi urush tarafdorlarini ham chalg‘itmoqda.
Ekspertlarning fikricha, Putin o‘ta millatchi va moʻtadil tezislar o‘rtasida muvozanat saqlashga harakat qilmoqda, bu uning Rossiya jamiyatidagi turli aholi qatlamlarining qo‘llab-quvvatlashiga harakat qilayotganidan dalolat beradi.
