Kim Chen Inning singlisi Janubiy Koreya prezidentini ahmoqqa chiqardi
Kim Yo Chjon Seulni AQSH “qo‘g‘irchog‘i” deb atagan.
Kim Chen Inning singlisi Kim Yo Chjon Janubiy Koreya prezidentini “ahmoq” deb atadi. Bu haqda Yonhap agentligi xabar berdi.
U Seulning KXDR raketa sinovlarini provokatsiya sifatida baholaganiga va Pxenyanga qarshi sanksiyalarni kengaytirishga berilgan taklifga shu tariqa munosabat bildirdi.
“Bu harakatlar Janubiy Koreyaning AQSH qo‘lida qo‘g‘irchoq ekanini ko‘rsatadi. Men janubliklarning nima uchun Yun Sok Yol va boshqa ahmoqlarning xatti-harakatlariga sust munosabat ko‘rsatib kelayotganidan hayratdaman”, – degan Kim Yo Chjon.
Keyinchalik Janubiy Koreya ushbu bayonotga munosabat bildirdi. Xususan, mamlakatning birlashuv vazirligi Kim Yo Chjon so‘zlaridan chuqur taassufda ekanini maʼlum qilgan.
