Britaniya razvedkasi: Rossiya Ukrainada yadro kallaklari uchun mo‘ljallangan eski raketalardan foydalanmoqda
Ularning katta samara bermayotgani maʼlum qilindi.
Rossiya Ukrainaga qarshi yadro zarbalariga mo‘ljallangan eski qanotli raketalardan foydalanmoqda. Bu haqda Buyuk Britaniya harbiy razvedkasining navbatdagi hisobotida so‘z boradi.
Britaniya mudofaa vazirligi maʼlumotlariga ko‘ra, ushbu raketalardan yadro zaryadlari olib tashlanmoqda va ular hech qanday kallaksiz uchirilmoqda.
“Ochiq manbalarda eʼlon qilingan suratlarda AS-15 Kent (X-55) havoda foydalaniladigan raketalarning qoldiqlarini ko‘rish mumkin. U katta ehtimol bilan urib tushirilgan”, – deyiladi hisobotda.
Razvedkaning qayd etishicha, ushbu raketalar 80 yillarda yaratilgan va yadro kallaklarini olib yurishda foydalanilgan. Ular kichik hududni vayron qilsa-da, aniq maqsadlarni yo‘q qila olmaydi.
