Ilon Mask 2024 yilgi saylovda kimni qo‘llab-quvvatlashini maʼlum qildi
Bu nomzod Tramp emas.
Ilon Mask Florida shtati gubernatori Roy Desantis nomzodini 2024 yilgi prezidentlik saylovida qo‘llab-quvvatlashga tayyorligini maʼlum qildi. Bu haqda tadbirkor Twitter sahifasida yozib qoldirdi.
Mask Desantisni qo‘llab quvvatlaysizmi, degan savolga ijobiy javob bergan. Florida gubernatori hozircha saylovda ishtirok etishini maʼlum qilmagan bo‘lsa-da, bundan avval sobiq prezident Donald Tramp u bilan raqobatlashishi ehtimolini istisno etmagandi.
Noyabr boshida Ilon Mask shu yilga qadar faqat demokratlarga ovoz berib kelganini taʼkidlagandi.
Bundan oldin mashhur reper Kanye Uest prezidentlikka nomzodini ilgari surishini eʼlon qilgandi. U hatto Tramp bilan uchrashib, unga vitse-prezidentlikni taklif qildi. Ayrim manbalarga ko‘ra, sobiq prezident Uestga bu taklifdan so‘ng baqirib bergan.
