“Kemadan tashqarida” filmi real hayotga ko‘chdi
22 soat ochiq okeanda qolib ketgan odam qutqarildi
Amerikaning bir shtatidan boshqasiga kruiz sayohatiga otlangan erkakning tirik qolgani “Shukronalik kuni mo‘jizasi” deb atalmoqda.
Gap shundaki, layner yo‘lovchilaridan biri noma’lum sababga ko‘ra bortdan tushib qolgan.
Voqea tungi 23:00 lar atrofida yuz bergan.
Avvaliga kemadan odam yo‘qolganini hech kim payqamagan. Yaxshiyamki, voqea qahramoni tashqariga chiqishdan oldin opasini ogohlantirgan. Ammo opa ham ukasi o‘z palubasida dam olmoqda, deb o‘ylab, uning taqdiri bilan qiziqmagan.
Faqatgina ertasi kuni 14:30larda ukasini hech qayerdan topa olmayotganini xabar qilgan.
Bu vaqt orasida kema harakatdan to‘xtamagani qidiruv ishlarini murakkablashtirdi. Ammo suv harorati +21 daraja ekani qutqaruvchilarga umid berayotgan edi.
Oradan 22 soat o‘tgachgina laynerdan yiqilgan odam Luiziana sohillaridan 30 km masofada topildi.
U vertoletda shifoxonaga olib ketilgan, shifokorlarning aytishicha, uning hayoti xavf ostida emas. Hozirgacha u tilgan kirib, laynerdan nima sababdan yiqilganini aytmagan.
