Toshkentda maktab o‘quvchisiga bosim o‘tkazilgani aytildi
Holatga IIV matbuot kotibi izoh berdi.
Ijtimoiy tarmoqlarda Toshkent shahrining Yangihayot tumanida joylashgan o‘rta maktabda fuqarolar tomonidan o‘quvchi va o‘qituvchilarga bosim o‘tkazilganligi haqida video tarqalmoqda. Holatga Ichki ishlar vazirligi matbuot kotibi Shohruh Gʻiyosov rasmiy munosabat bildirdi.
Ma’lum qilinishicha, joriy yilning 21-oktyabr kuni Yangihayot tumanida joylashgan 331-sonli maktabning 11-sinf o‘quvchilari — 2005 yilda tug‘ilgan Q.B. va Ya.S.larga maktabning o‘quv ishlari bo‘yicha direktor o‘rinbosari F.Nasrullayeva tomonidan darslarga kechga qolib, maktabning ichki tartibini muntazam buzib kelishlari va xulqini yomonligi uchun tanbeh berilgan.
O‘quvchilarning birini onasi 1984-yilda tug‘ilgan U.D. maktabga yetib kelib, o‘g‘liga tanbeh bergan o‘qituvchini ayblab, janjal ko‘targan.
Chaqiruvga ko‘ra voqea joyiga yetib kelgan tuman IIB Post-patrul xizmati xodimlari tomonidan surishtiruv o‘tkazilayotgan vaqtda holatga 1985-yilda tug‘ilgan M.A. aralashib, o‘quvchilardan biri Q.B.ni yuziga tarsaki tushirgan.
Holat yuzasidan fuqaro D.K.ga (o‘quvchining onasi) Ma’muriy javobgarlik to‘g‘risidagi kodeksning 47-moddasi (Bolalarni tarbiyalash va ularga ta’lim berish borasidagi majburiyatlarni bajarmaslik) hamda M.A.ga nisbatan 183-moddasi (Mayda bezorilik) va 194-moddasi (Ichki ishlar organlari xodimining qonuniy talablarini bajarmaslik) bilan hujjatlar rasmiylashtirilib, o‘rnatilgan tartibda javobgarlik belgilangan.
