Yevrokomissiya Rossiyaga qarshi navbatdagi sanksiyalar paketi ustida ishlamoqda
To‘qqizinchi paket nimalarni o‘z ichiga oladi ?
Yevrokomissiya shu haftada aʼzo davlatlar bilan Rossiyaga qarshi yangi – to‘qqizinchi sanksiyalar paketini tayyorlash bo‘yicha muzokaralarni boshlashga tayyor, deya xabar bermoqda “Politico” rasmiylarga tayanib.
Maʼlumotlarga ko‘ra, Bryusselning bunday harakati Varshavaga “imtiyoz” bo‘lib, u rus nefti narxining chegarasini Moskvaga qarshi cheklovlarning to‘qqizinchi paketi bilan bog‘lashni so‘ragan.
YеI energetika vazirlari rus nefti narxiga chegara o‘rnatish bo‘yicha muzokaralarni qayta boshlagan. Blok mamlakatlari bu borada erishilgan kelishuvlarni o‘tgan haftada eʼlon qilishi taxmin qilingan edi, biroq ular o‘rtasida hali ham kelishmovchiliklar mavjud.
Oq uy G‘arbning neft narxini oshirish bo‘yicha muhokamalarini muvaffaqiyatli deb hisoblashini maʼlum qilgan.
Rossiyaga qarshi avvalgi, sakkizinchi sanksiyalar paketi YеI tomonidan 6 oktyabr kuni qabul qilingan edi. Xususan, u RF neftiga narxlarning yuqori chegarasini joriy etish, bir qator tovarlarni olib kirishni taqiqlash va eksport cheklovlarini o‘z ichiga olgan. Shuningdek, mudofaa sektori va sanoat, texnologiyalar uchun tovarlar eksportini cheklaydi.
