Toshkentda IIB xodimi tunda o‘ldirib ketildi
Holat yuzasidan shahar IIBB ma’lumot berdi.
Bugun, 30 noyabr kuni Toshkent shahrining Olmazor tumanida IIB xodimi xizmat vaqtida o‘ldirib ketildi. Holat yuzasidan shahar IIBB ma’lumot berdi.
Qayd etilishicha, soat 00.50 larda Olmazor tumani IIO Faoliyatini muvofiqlashtirish bo‘limi profilaktika inspektori katta leytenant N.Bobomurotov tumanning “Gʻalaba” mahallasiga tezkor chaqiruv bo‘yicha yetib borgan. U xizmat vazifasini bajarayotgan vaqtida muqaddam sudlangan, 1992 yilda tug‘ilgan fuqaro B.Z. xodimning hayotiga tajovuz qilib, voqea joyidan yashiringan.
N.Bobomurotov voqea joyida vafot etgan. Hozirda xodimning hayotiga tajovuz qilishda gumonlanayotgan shaxsni qo‘lga olish choralari ko‘rilmoqda. Holat yuzasidan Toshkent shahar prokuraturasi tomonidan O‘zbekiston Respublikasi JKning 97-moddasi (“Qasddan odam o‘ldirish”) bilan jinoyat ishi qo‘zg‘atilgan.
“Voqea tafsilotlari to‘liq o‘rganilgandan so‘ng, jamoatchilikka qo‘shimcha ma’lumot beriladi”, — deyiladi xabarda.
