Samarqandda avtomobillar tezligi cheklanishi mumkin
Viloyat YHXB boshlig‘i bu bo‘yicha taklif kiritdi.
Bugun, 2-dekabr kuni Xalq deputatlari Samarqand viloyat kengashining navbatdagi sessiyasida viloyat IIB JXX YHXB boshlig‘i Shavkat Boyxo‘rozovning ma’ruzasi tinglandi.
Sh.Boyxo‘rozov o‘z ma’ruzasida viloyatda harakat xavfsizligini ta’minlash va ayanchli yo‘l-transport hodisalarining oldini olish uchun Samarqand shahrida transport vositalarining maksimal tezligini soatiga 70 kilometrdan 60 kilometrga tushirish zarurati yuzaga kelayotganini ma’lum qilgan.
“Turli xavf va o‘lim bilan bog‘liq yo‘l-transport hodisalarning oldini olish maqsadida quyidagilarni taklif etaman: "Yo‘l harakati xavfsizligini ta’minlash sohasidagi Respublika komissiyasining qarori asosida Toshkent, Nukus shaharlari hamda viloyatlar markazlarida harakat qatnovi yuqori bo‘lgan va aholi gavjum hududlarida transport vositalarining yuqori harakat tezligi 60 km/soat etib belgilanishi mumkin”, — degan Boyxo‘rozov.
